sábado, 20 de julio de 2013

Prego da Gandhi

Kun humileso me esforcos por amar,

por dicar la vereso, por esar honesta e pura,
File:MKGandhi.jpg
por ne havar ulo quan vere me ne bezonas,

por ganar salario kun mea laboro,

por atencar sempre a to quon me manjas e drinkas,

por nultempe pavorar,

por respektar la kredenco di l’altri,

por serchar sempre lo maxim bone por omni,

por esar homo por omna mea frati.

viernes, 14 de junio de 2013

La bambuo en la fenestro di Li Ts'e Yun

File:Hsü Wei 001.jpg

Ne tranchez ol por facar fluto,
ne tranchez ol por facar peskobastono,
kande lia folii e lia flori velkesos,
ankore esos bela sub la nivo-floki.

Po Chu Yi ( 772 - 846)

martes, 4 de junio de 2013

Poemeto da Tai Fu Ku.

File:Dai Jin-Landscape in the Style of Yan Wengui.jpg




Quanta personi kuras tra la richeso sen repozar!

Dum la tota nokto, li kontas; jorne, li galopas.

Lia vivo esas konstanta anhelo, plena ek fatigi.

Li ne savas ke sur lia tekto-domi  la cielo esas blua.


                     Tai Fu Ku     (XIII yarcento)

domingo, 24 de febrero de 2013

Poemeto da Emily Dickinson


File:Black-white photograph of Emily Dickinson2.png
Kordio, ni oblivios lu

ca nokte, tu e me.

Tu, la varmeso quan lu prestis a tu.

Me, la lumo quan lu donis a me.


Kande tu obliviabos,

dicez a me, nam me mustas efacar

balde mea pensi.

Acelerez tua laboro,

pro ke dum tua tardeso

me itere povus memorar lu.


Emily Dickinson (1830 - 1890)

martes, 5 de febrero de 2013

Poemeto da Bécquer.

Arkivo:Portrait of Gustavo Adolfo Bécquer, by his brother Valeriano (1862).jpgPro ula regardo, un mondo;
pro ula rideto, un cielo;
pro ula kiso...me ne savas
quon me donus a tu pro ula kiso!

Belega e mikrega poemo dal poeto Gustavo Adolfo Bécquer (1836 - 1870), forsan la maxim importanta Romantikala Hispana poeto. Ca poemeto esas un di lua tre konocata "Rimi". Lektina anke esas lua "Legendi".

domingo, 3 de febrero de 2013

Haiku da Basho (XI)




nebulo e pluveto:
quankam ne videsas la Fuji,
quala bela dio!

Pikturo "Fujiyama" da Jhon Henry Twachtman ek Wikipedia.


viernes, 25 de enero de 2013

Me komencas lernar Ido (ludo)

domingo, 18 de noviembre de 2012

Nia negiva pensi...


Kelka dicipuli questionis lua maestro Zen*: “De ube venas la negiva pensi ek nia mento? La maestro ekiris dum ula instanto e quik retrovenis kun grandega blanka linjo. Meze del linjo esis mikra nigra punto.

“Quon vi vidas en ca linjo?” - questionis la maestro.


La dicipuli respondis: “Nur un mikra nigra punto”. 

Tale, la maestro dicis: “Hike esas l’origino de nia negiva mentala pensi. Nulu de vi regardis la grandega extenseso blanka cirkondanta ca punto.”

jueves, 18 de octubre de 2012

Autunala tanka.


File:Lovis Corinth Walchensee Junimond 1920.jpg



Kande me vidas
ke la lun-lumo filtresas
tra la branchi,
me savas ke venis l’autuno,
la sezono dil chagreni.

(Autoro ne-konocata)

Pikturo: Walchensee (Lovis Corinth)

miércoles, 19 de septiembre de 2012

Waka da Saigyô.



File:Blühender Kirschbaum im Frühling.jpg


Esas mea prego
mortar sub ula arboro
qua esez ceriziero,
florifinta ceriziero
e sub la plen luno.


Saigyô (1118 - 1190)