Haiku da Onitsura.

Me manjis

"globo-fisho" e pose

komencis nivar.

Ueshima Onitsura (1661-1738)

Haiku 31

pruinat agro -

pokope ye la burjoni,

la sunoradii

Haiku 30.

Jorneskas.

Ulu plu ante kam me

presis la nivo.

Gregueria-i da Ramón G. de la Serna (I)

- La ok esas la sablo-horlojo dil numeri.

- La jirafo esas krano qua manjas herbo.

- La maxim mikra fervoyo en la mondo esas la raupo.

- Nur la poeto havas lun-horlojo.

Ramón Gómez de la Serna (1888 - 1963) esis la kreinto dil "greguería" (en la Hispana) o "échantillons" (en la Franca) mikra texti injenioza e humoroza di un frazo.

Haiku da Santôka (IV)

Bone, ad-ube ni iros?...

Suflas la vento.

Taneda Santôka (1882-1940)

Japoniana arto. (II)

La domo dil teo en Koishikawa. La matino pos nivir. da Hokusai.

(Triadek-e-sis vidaji dil monto Fuji)

Haiku da Ryûsui (I)

mayoigo / no

naku / naku / tsukamu

hotaru / kana

Krias e krias,

unglo-sizananta libeluli,

la nura infanto.

Ryûsui (s. XVII)

Haiku 29.

Obskura nokto,

en la lanterni-serio

un es ruptita.

Haiku da Santôka (III)

hitori sagayaseba
utari nari

Kande me laboras nura l'agro
ekiras un kansono.

Taneda Santôka (1882 - 1940)

Pri la mezurata haiku.

Quale vi povas konstatar mea lasta haiku-i ne esas skribita en la normala e klasika haiku-ala mezuro di 5 - 7 - 5, ma en libera verso. Tale me expresas tre bone. Ico ne volas dicar ke me ne plus skribos haiku-i en la tradicionala mezuro, ma me esas vere plu komoda skribante tala haiku-i. La obligata mezuro ne facas la poemi, ma la sentimenti ed en la haiku-i quon onu vidas, askoltas, odoras...

Haiku 28.

Frostigit matino.

Nur la koldeso che la vizajo

es mea kompanio.

Haiku 27.

Promenante tra la sulki,

stoni e sablo

en la shui.

Japoniana arto (I)

La granda ondo di Kanagawa da Katsushika Hokusai

(Triadek-e-sis vidaji dil monto Fuji)

Haiku 26.

Ante turnar en l'angulo,

l'odoro di la kastani.

Haiku da Santôka (II)

Me ne havas pekunio,

me ne havas kozi,

me ne havas denti,

Me esas tote sola.

Santôka (1882 - 1940)

Haiku 25.

Pluvoza dio,
anke en la desegni,

pluvoza dio.

Haiku da Santôka (I)

kyô mo ichinichi dare mo konakatta hotaru

Anke ne hodie ulu venis - lampiri.

.

Taneda Santôka (1882 - 1940)

Haiku 24.

Kontar steli

dum ke la grilii kantas.

Someral nokto.

Haiku 23.

Nokturnal promeno.

kun singla lanterno

chanjas l'ombro.

Haiku 22.

Bruiso di automobili -

vartante l'autobuso,

la plen luno.

Haiku 21.

Silenco.

La instantala sono

di un zumbo.

Haiku 20

Finas somero:

me nur vidas un musho

en mea hemo.

Epigramo da Marcial (I)

Tu esas bela (me savas lo) e yuna (me savas lo)
e richa (qua povos negar ol?)
Ma kande tu laudas tu, Fabula, tante
tu ja ne esas richa, nek bela, nek yuna.

Marco Valerio Marcial (40 - 104)

En la tranquila nokto da Li Bai.

Me pensas ye la nokto,

avan la lito, la luno brilas

super la pruino esas la dubito.

me regardas adsupre ed esas la plen luno,

me regardas adinfre ed me memoras mea lando.

Li Bai (701 - 762)

En la obskureso da Wang Bai-Yi.

De la luno me recevas

energio quan me bezonas

por durar regardante ol

e tale me sentas nemortala

kande vere

ni esas misterio.

Wang Bai-Yi

En la monto Huangshan da Wang Bai-Yi.

Depos kelka yari

me vivas en la monto Huangshan

konsekracita al naturo.

Ma nul jornesko

nek krepuskulo

povos okupar la loko di tua lumo,

la memoro

di tua imajo.

Wang Bai-Yi (681 - 752)

Nokto en la monti da Wang Bai-Yi.

Senmova quale puteo,

me vidas navigar la steli.

Kande la cikonii venas,

me sentas la koldeso ye mea veini.

Hodie tu ankore ne esos kun me.

Wang Bai-Yi (681 - 752)

Poemo da Shakîr Wa'el

Me chanjis mea ipsa gardeno

pro un maro di alteso,

un klozita kajo

pro un apertita cielo,

mea du okuli

pro un fora stelo

e pro tua amoro,

quon me povas donar a tu pro tua amoro?

Me havas nulo qua tante valoros.

Shakîr Wa'el (1232 - 1260)

Haiku da Ryûho

Flori e luno,

me ja savas quale nomesas

la triesma verso.*

Nonoguchi Ryûho (1595 - 1669)

* La triesma verso esas la morto. Ryûho igis skribar ca haiku en sua tombo.

Epigramo di amoro (I) da Teodognis di Alejandría.

Ne timez, Helena, la ne-vera Zeus,

il ne deziras tu quale me,

il esas Cerbero ligita en la monto

e nur volas l'orala violi

quin tu lansas kande tu pasas.

Teodognis di Alejandría (331 - 257 a.C.)

Haiku da Anon

sakikomete

hana / ni / eda / naki

sakari / kana

Kun tanta flori

preske ne videsas la branchi

en la cerizolauro.

.

Anon (yarcento XVI)

Poemo da Omar Khayyam (IV)

Ye moskei e kirki, serchate vereso
me parolis kun sheiki, santi, filozofi e saji,
me audis la sentenci ekiranta di lia labii
e me ekiris pro la pordo quan me uzis kande me eniris.

Omar Khayyam

Poemo da Omar Khayyam (III)

Drinkez ni, amoro, drinkez. Omno invitas obliviar.
Me, qua sempre meditas, nur dum du dii
ne volabis pensar nek me nule pensis:
la dio qua venos e la dio qua ja pasis.

Omar Khayyam

Poemo da Omar Khayyam (II)

La tero esas mozaiko di Dei e kredaji,
di kleriki, profeti, sakra libri e texti:
nekompati, fido, peko, esas nur pretexti
ke la homi advokas por luktar quale feroca bestii.

Omar Khayyam

Poemo da Omar Khayyam (I)

Kande ni departos sen lasar ula traco
la suno ne chanjos olua legi nek olua cikli;
lu ja vivis sen ni sennombra yarcenti
e ne por delektar ni, lu brilas olua blulanta astro.

Omar Khayyam (1040 - 1121?)

Haiku da Ryôkan (III)

hatsu / shigure

namonaki / yama / no

omoshiroki

Unesma pluvi

en la monto sen nomo,

ho, quante agreabla!

Ryôkan (1758 - 1831)

La tempo pasas (da Benedetti)

Kande ni esis infanti
la oldi evis cirkum triadek yari
un flako esis un oceano
la morto, nur ne existis.

Pose, kande ni esis yuna
la oldi evis cirkum quaradek yari
un lageto, un océano,
la morto, nur
un vorto.

Ja kande ni mariajis
la oldi evis kinadek yari,
un lago esis un océano,
la morto esis la morto dil altri.

Nun, ni, evoza,
ja atingis la vereso,
la oceano esas fine la océano
a la morto komencas esar

la nia.

Mario Benedetti (1920 - 2009)

Mario Benedetti mortis.

Sundie nokte mortis la grandega uruguay-ana poeto Mario Benedetti. Lu skriptis kelka poezaji quale haiku e belega poemi pri la amoro e la yusteso.

Nur un klosho,

nur un klosho opozas su

a la vento.

Haiku 20

Qua esis hike?
Pokope venas til me
lua aromo.

Haiku da Basho (X)

hitotsu / ya / ni

yûgo / mo / netari

hagi / to / tsuki

Sub la sama tekto,

dormis l'amoristini,

la luno e la trifolio.

Matsuo Basho

Haiku da Basho (IX)

furu / gare / ya

yo / wo / hito / iro / ni

kaze / no / oto

Desfacil vintro.

Mondo di nur un koloro

e la sono dil vento.

Matsuo Basho (1644 - 1694)

Haiku 19

Kovrita voyo,

l'arbori sen folii

movas la vento.

Haiku da Shiki (V)

wazato / sae

mi / ni / yuku / tabi / ya

Fuji / no / tuki

Nur por vidar

la nivo sur la Fuji
me departas.

Masaoka Shiki (1867 - 1902)

Haiku da Shida Yaha

hito-goe / no

yahan / o / soguru

samusa / kana

La voci dil homi,

pasanta ye meznokto:

la koldeso.

Shida Yaha (/1662 - 1740)

Haiku da Ryôkan (II)

nabe / migaku

oto / ni / magiruru

amagaeru

Poton me lavas,

mixesas mea bruiso

e to dil rani.

Daigu Ryôkan (1758 - 1831)

Haiku da Shiki (IV)

kaerimireba
yukiaishi / hito / no
kasumi / keri

Me turnis me
e la homo krucumanta
facesis nebulo.

Masaoka Shiki (1867 - 1902)

Haiku da Shiki (III)

nodokasa / no
hitori / yuki / hitori
omoshiroki

Omno quietese.
Nur esar vagantemo,
nur juar.

Masaoka Shiki (1867 - 1902)

Haiku da Jôsô (I)

minasoko / no

iwa / ni / ochitsuku

konoha / kana

Sub la aquo

repozas en la roko

la mortinta folii.

Naito Jôsô (1662 - 1704)

Haiku da Shiki (II)

furuike / no

oshi / ni / yuki / furu

yuube / kana

Olda lageto.

Nivas sur l'anadi.

Nokteskas.

Masaoka Shiki ((1867 - 1902)

Haiku 18

Nur la vento

e la lumo dil luno

inter la ruini.

Haiku 17

Falas la pluvo
sur la sika arbori
e la nov herbi.

Haiku da Chiyo (II)

tombo / tsuri

kyoo / wa doko / made

itta / yara

Mea mikra chasero di libeluli,

til qua regiono
irabus hodie?

Chiyo (1701 - 1775)

Haiku da Chiyo (I)

no / mi / yama

ugoku / mono / nashi

yuki / no / asa

En la montaro

ed en la planajo, quieteso.

Dio de nivo.

Kaga no Chiyo (1703 - 1775)