- La maxim mikra fervoyo en la mondo esas la raupo.
- Nur la poeto havas lun-horlojo.
Ramón Gómez de la Serna (1888 - 1963) esis la kreinto dil "greguería" (en la Hispana) o "échantillons" (en la Franca) mikra texti injenioza e humoroza di un frazo.
Quale vi povas konstatar mea lasta haiku-i ne esas skribita en la normala e klasika haiku-ala mezuro di 5 - 7 - 5, ma en libera verso. Tale me expresas tre bone. Ico ne volas dicar ke me ne plus skribos haiku-i en la tradicionala mezuro, ma me esas vere plu komoda skribante tala haiku-i. La obligata mezuro ne facas la poemi, ma la sentimenti ed en la haiku-i quon onu vidas, askoltas, odoras...
Tu esas bela (me savas lo) e yuna (me savas lo) e richa (qua povos negar ol?) Ma kande tu laudas tu, Fabula, tante tu ja ne esas richa, nek bela, nek yuna.
Ye moskei e kirki, serchate vereso me parolis kun sheiki, santi, filozofi e saji, me audis la sentenci ekiranta di lia labii e me ekiris pro la pordo quan me uzis kande me eniris.
Drinkez ni, amoro, drinkez. Omno invitas obliviar. Me, qua sempre meditas, nur dum du dii ne volabis pensar nek me nule pensis: la dio qua venos e la dio qua ja pasis.
La tero esas mozaiko di Dei e kredaji, di kleriki, profeti, sakra libri e texti: nekompati, fido, peko, esas nur pretexti ke la homi advokas por luktar quale feroca bestii.
Kande ni departos sen lasar ula traco la suno ne chanjos olua legi nek olua cikli; lu ja vivis sen ni sennombra yarcenti e ne por delektar ni, lu brilas olua blulanta astro.